ബെംഗളൂരു: കോളേജ് വിദ്യാർഥിയായ യുവാവിനെയും സഹപാഠിയെയും തടാകത്തില് മരിച്ചനിലയില് കണ്ടെത്തി.bengaluru married college student and girl friend found dead tulasi lake nice road
ബെംഗളൂരുവിന് സമീപം താമസിക്കുന്ന ശ്രീകാന്ത്(25) സൗത്ത് ബെംഗളൂരു അഞ്ജനപുര സ്വദേശി അഞ്ജന(20) എന്നിവരെ ആണ് നൈസ് റോഡിന് സമീപത്തെ തുളസി തടാകത്തില് മരിച്ചനിലയില് കണ്ടെത്തിയത്. ഇരുവരും തമ്മിൽ സ്നേഹത്തിൽ ആണെന്നും കുടുംബം വിവാഹത്തെ എതിർത്തതിനാല് രണ്ടുപേരും തടാകത്തില് ചാടി ജീവനൊടുക്കിയതാണെന്നും പോലീസ് പറഞ്ഞു.
അതേസമയം നിലവില് വിവാഹിതനായ ശ്രീകാന്ത് ഒരു സ്വകാര്യകോളേജിലെ ബി.കോം വിദ്യാർഥിയാണ്. അഞ്ജന ഇതേ കോളേജിലെ ബി.ബി.എ. വിദ്യാർഥിനി ആയിരുന്നു. കോളേജില്വെച്ചാണ് ഇരുവരും തമ്മില് അടുപ്പത്തിലായത്. തുടർന്ന് വിവാഹം കഴിച്ച് ഒരുമിച്ച് ജീവിക്കാൻ തീരുമാനിച്ചു. ശ്രീകാന്തിന്റെ വീട്ടുകാർ ആദ്യംവിവാഹത്തെ എതിർത്തെങ്കിലും പിന്നീട് സമ്മതിച്ചു.
ശ്രീകാന്തിന്റെ ഭാര്യയും അഞ്ജനയുമായുള്ള വിവാഹത്തിന് സമ്മതംമൂളി. എന്നാല്, ഈ വിവാഹത്തെ അഞ്ജനയുടെ കുടുംബം പിന്തുണച്ചിരുന്നില്ല. ഇതോടെ അഞ്ജന ശ്രീകാന്തിനൊപ്പം വീടുവിട്ടിറങ്ങുകയും തുടർന്ന് രണ്ടുപേരും നൈസ് റോഡിന് സമീപത്തെ തടാകത്തില് ചാടി ജീവനൊടുക്കുകയുമായിരുന്നു.
ഇരുവരെയും ജൂലായ് ഒന്നാം തീയതിയാണ് കാണാതായത്. സഹോദരന്റെ ഓട്ടോറിക്ഷയുമായി അഞ്ജനയുടെ വീടിന് സമീപമെത്തിയ ശ്രീകാന്ത് ഇതേ ഓട്ടോയിലാണ് യുവതിയെ കൂട്ടിക്കൊണ്ടുപോയത്. വീട്ടില്നിന്ന് പോകുന്നതിന് മുൻപ് അഞ്ജന ആത്മഹത്യാക്കുറിപ്പും എഴുതിവെച്ചിരുന്നു. തന്റെ മരണത്തിന് താൻ മാത്രമാണ് ഉത്തരവാദിയെന്നും ശ്രീകാന്തില്ലാതെ ജീവിക്കാൻ കഴിയില്ലെന്നുമായിരുന്നു കുറിപ്പിലുണ്ടായിരുന്നത്.
(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാൻ ശ്രമിക്കുക. അത്തരം ചിന്തകളുളളപ്പോള് ‘ദിശ’ ഹെല്പ് ലൈനില് വിളിക്കുക. Toll free helpline number: 1056, 0471-2552056)