പോലീസ് സമൂഹത്തിന് അത്യന്താപേക്ഷിതമാണ്. സജീവമായ പോലീസിംഗിന് നിയമം നടപ്പിലാക്കാൻ മാത്രമല്ല, നിയമവിരുദ്ധ പ്രവർത്തനങ്ങൾ ചെയ്യാൻ ആഗ്രഹിക്കുന്നവരെ തടയാനും കഴിയും. എന്നാൽ ഈ വിഷയത്തിൽ ബ്രിട്ടീഷ് പോലീസിൻ്റെ നിലപാടിനുള്ള ഉത്തരം ആരെയും അത്ഭുതപ്പെടുത്തും.നിലവിൽ യുകെയിൽ പത്തിൽ നാല് പേർ മാത്രമാണ് പോലീസിനെ വിശ്വസിക്കുന്നതെന്ന് ഗവേഷണങ്ങൾ കാണിക്കുന്നു. ബ്രിട്ടനിലെ ഏറ്റവും വലിയ പോലീസ് സേനയായ മെട്രോപൊളിറ്റൻ പോലീസിൻ്റെ വിശ്വാസ്യത അടിത്തട്ടിൽ ആണെന്നും അന്വേഷണത്തിൽ കണ്ടെത്തി.
ഒൻപത് ബ്രിട്ടീഷ് പ്രദേശങ്ങളിൽ നടത്തിയ പഠനമനുസരിച്ച്, സ്ത്രീകൾ പുരുഷന്മാരേക്കാൾ പോലീസിനെ വിശ്വസിക്കുന്നു. അതേസമയം, ലണ്ടനിലെ ഏറ്റവും വിവാദമായ മെട്രോപൊളിറ്റൻ പോലീസിൽ സ്ത്രീകൾക്ക് പുരുഷന്മാരേക്കാൾ വിശ്വാസ്യത കുറവാണ്.
വംശീയ ന്യൂനപക്ഷങ്ങൾ പോലീസിനെ വെള്ളക്കാരേക്കാൾ കുറവാണ് വിശ്വസിക്കുന്നത്. നീതിന്യായ വ്യവസ്ഥയും കുറ്റകൃത്യങ്ങളും പ്രധാന ചർച്ചാ വിഷയങ്ങളാകുന്ന ഒരു പൊതു തിരഞ്ഞെടുപ്പിന് മുന്നോടിയായാണ് കണക്കുകൾ. സാറാ എവറാർഡിനെ തല്ലി കൊന്ന വെയ്ൻ കസിൻസും നിരവധി ബലാത്സംഗങ്ങളും ലൈംഗികാതിക്രമങ്ങളും നടത്തിയ ഡേവിഡ് കാരിക്കും മെറ്റ് പോലീസിലെ അംഗങ്ങളായിരുന്നു. അധികാര ദുർവിനിയോഗം നടത്തിയാണ് പോലീസ് കുറ്റകൃത്യങ്ങൾ ചെയ്തത്.
