ലണ്ടൻ: ബർമിംഗ്ഹാം വിമാനത്താവളത്തിലെ നീണ്ട ക്യൂവിൻ്റെ പ്രധാന കാരണം ഹാൻഡ് ലഗേജിലെ ദ്രാവകങ്ങൾക്കുള്ള സർക്കാർ ഏർപെടുത്തിയ നിയന്ത്രണങ്ങളാണ്. ഒരാഴ്ചയായി യാത്രക്കാര്‍ ഇതിന്റെ ദുരിതം അനുഭവിക്കുകയാണ്. ഞായറാഴ്ച രാവിലെ, ട്രാന്‍സ്‌പോര്‍ട്ട് ഡിപ്പാര്‍ട്ട്‌മെന്റ് ഹാൻഡ് ലഗേജിൽ 100 മില്ലിയിൽ കൂടുതലുള്ള ലിക്വിഡുകളുടെ നിരോധനം നിശബ്ദമായി പുനരാരംഭിച്ചുഅവധിക്കാലമോ മറ്റ് കാരണങ്ങളാൽ സന്ദർശിക്കുന്ന യാത്രക്കാർ നിയന്ത്രണം പാലിക്കണമെന്ന് എയർപോർട്ട് അധികൃതർ അറിയിച്ചു. എന്നിരുന്നാലും, നിയമ മാറ്റം അറിയാത്ത യാത്രക്കാർക്ക് സുരക്ഷാ കാലതാമസം നേരിടേണ്ടിവരും. പ്രവേശന കവാടത്തിലെത്താൻ രണ്ട് മണിക്കൂർ കാത്തിരിക്കേണ്ട സ്ഥിതിയാണ് ഇപ്പൊൾ നിലവിലുള്ളത്.
ബർമിംഗ്ഹാം എയർപോർട്ടിലെ വലിയ ക്യൂ മാറാൻ ചിലപ്പോൾ മാസങ്ങളെടുക്കുമെന്ന് റിപ്പോർട്ടുകൾ. വിമാനത്താവളത്തിൽ ആവശ്യത്തിന് ജീവനക്കാരില്ല. ഇക്കാരണത്താൽ, ഈ സാഹചര്യത്തിൽ ഉള്ജവനക്കാർ അധിക സമ്മർദ്ദം അനുഭവിക്കുന്നു. ഒരു കഷണം നോൺ-കംപ്ലയൻ്റ് ബാഗേജ് ഉണ്ടെങ്കിൽ ഓരോ യാത്രക്കാരനും 20 മിനിറ്റ് കൂടുതൽ സമയം എടുക്കുമെന്ന് ബിർമിംഗ്ഹാം എയർപോർട്ട് ചീഫ് എക്സിക്യൂട്ടീവ് നിക്ക് ബാർട്ടൺ പറഞ്ഞു.
ജൂൺ ഒന്നിന് പാനീയ നിരോധനം പിൻവലിക്കുമെന്ന് എയർപോർട്ട് അധികൃതർ പ്രതീക്ഷിച്ചിരുന്നു.ഇതിൻ്റെ ഭാഗമായി 60 മില്യൺ പൗണ്ട് ചെലവിട്ട് വലിയ കുപ്പികൾ സ്കാൻ ചെയ്യാനുള്ള സ്കാനറുകളും സ്ഥാപിച്ചു.എന്നാൽ വെള്ളിയാഴ്ച 100 മില്ലി ലിമിറ്റ് താൽക്കാലികമായി പുനഃസജ്ജമാക്കിയപ്പോൾ, തിരിച്ചടിയുണ്ടായി. വിമാനത്താവളത്തിൽ എത്തുന്ന ആളുകൾ 100 മില്ലി പരിധി പാലിക്കാൻ തയ്യാറാണെങ്കിൽ, പ്രശ്നം അൽപ്പം ലഘൂകരിക്കാം എന്നാണ് പ്രതീക്ഷ.
