മെയ് 10 മുതൽ, ഓസ്ട്രേലിയയിൽ പഠിക്കാൻ ആഗ്രഹിക്കുന്ന ഇന്ത്യൻ വിദ്യാർത്ഥികൾ ഓസ്ട്രേലിയൻ സ്റ്റുഡൻ്റ് വിസ ലഭിക്കുന്നതിന് ഉയർന്ന ബാങ്ക് ബാലൻസ് കാണിക്കേണ്ടതുണ്ട്. കുടിയേറ്റക്കാരുടെ എണ്ണം കുറയ്ക്കുന്നതിനായി ഓസ്ട്രേലിയൻ സർക്കാർ ഇമിഗ്രേഷൻ നിയമങ്ങളിൽ നിരവധി മാറ്റങ്ങൾ വരുത്തിയിട്ടുണ്ട്. അത്തരത്തിലുള്ള ഒരു മാറ്റമാണ് വിദേശ വിദ്യാർത്ഥികൾക്ക് വിസ ലഭിക്കുന്നതിന് ആവശ്യമായ മിനിമം സമ്പാദ്യത്തിലെ വർദ്ധനവ്.
രാജ്യാന്തര വിദ്യാർഥികൾ ഇനി മുതൽ 29,710 ഓസ്ട്രേലി യൻ ഡോളർ (ഏകദേശം 16.28 ലക്ഷം രൂപ) ബാങ്ക് നിക്ഷേപത്തിന്റെ രേഖകൾ അപേക്ഷയ്ക്കൊപ്പം സമർപ്പിക്കണം.
ഏഴ് മാസത്തിനിടെ ഇത് രണ്ടാം തവണയാണ് ഓസ്ട്രേലിയ സ്റ്റുഡൻ്റ് വിസയുടെ ബാങ്ക് സേവിങ്സ് പരിധി ഉയർത്തുന്നത്. നേരത്തേ 21,041 ഓസ്ട്രേലിയൻ ഡോളർ (11.53 ലക്ഷം രൂപ) ആയിരുന്നത് ഒക്ടോബറിൽ 24,505 ഓസ്ട്രേലി യൻ ഡോളറായി (13.43 ലക്ഷം രൂപ) ഉയർത്തിരുന്നു.
വിദ്യാഭ്യാസത്തിനും തൊഴിൽ അവസരങ്ങൾക്കും ഓസ്ട്രേലിയയെ അനുകൂലിക്കുന്ന ഇന്ത്യൻ വിദ്യാർത്ഥികൾക്കും പ്രൊഫഷണലുകൾക്കും ഈ മാറ്റം വളരെ നിർണായകമാണ്.രാജ്യത്തേക്ക് വരുന്ന വിദേശ വിദ്യാർത്ഥികളെ നിയന്ത്രിക്കാൻ ലക്ഷ്യമിട്ടുള്ളതാണ് ഈ നീക്കം