അരീക്കോട്: ഫ്രീ സ്റ്റൈൽ ഫുട്ബാൾ താരം ഇൻസ്റ്റഗ്രാമിൽ പങ്കുവെച്ച വിഡിയോയ്ക്ക് ലോക കാഴ്ചക്കാരുടെ റെക്കോഡിനെ മറികടക്കാൻ കഴിഞ്ഞതിന്റെ സന്തോഷത്തിലാണ് ഇപ്പോൾ. അരീക്കോട് മാങ്കടവ് സ്വദേശി മുഹമ്മദ് റിസ് വാനാണ് ഒന്നാമനായി ഇടം നേടിയത്. 21-year-old has broken the world record for most views on Instagram.
ഗൂഗിൾ പറയുന്നത് അനുസരിച്ച് നിലവിൽ ഇൻസ്റ്റഗ്രാമിൽ കൂടുതൽ കാഴ്ചക്കാർ ഉള്ള റീൽ ഫ്രീ സ്റ്റൈൽ വിഡിയോ ചെയ്യുന്നത് ഇറ്റലിക്കാരൻ കാബിയുടെതാണെന്നാണ് . 289 മില്യൺ (28.9 കോടി) കാഴ്ചക്കാരാണ് അദ്ദേഹത്തിന്റെ ഏറ്റവും കൂടുതൽ പേർ വീക്ഷിച്ച വിഡിയോ (ലേൺ ഫ്രം കാബി) എത്തിയത്.
എന്നാൽ ഈ കണക്കിനെ മറികടന്നാണ് റിസ് വാൻ 10 ദിവസം മുമ്പ് ഇൻസ്റ്റഗ്രാമിൽ പങ്കുവെച്ച വെള്ളച്ചാട്ടത്തിലേക്ക് ഫുട്ബാൾ തട്ടുന്ന 30 സെക്കൻഡ് റീലിന് പ്രതികരണം ലഭിച്ചത്. ഈ വിഡിയോ പത്ത് ദിവസം കൊണ്ട് 350 മില്യൺ (35 കോടി) കാഴ്ചക്കാരാണ് കണ്ടത്.
വിദേശരാജ്യങ്ങളിൽ പ്രധാനമായി കണ്ടുവരുന്ന ഫ്രീ സ്റ്റൈൽ ഫുട്ബാളിലേക്ക് റിസ് വാൻ എത്തുന്നത് മൂന്നുവർഷം മുമ്പാണ് . വിദേശരാജ്യങ്ങളിലെ ഫ്രീസ്റ്റൈൽ താരങ്ങളുടെ വിഡിയോകൾ സമൂഹമാധ്യമങ്ങളിലൂടെ പ്രചോദനമായത്തോടെയാണ് ഈ രംഗത്തേക്ക് പ്രവേശിച്ചത്.
റിസ് വാൻ എന്ന ഈ 21 വയസ്സുകാരനെ ഫ്രീസ്റ്റൈൽ ഫുട്ബാൾ താരമാക്കി മാറ്റിയത് കഠിന പരിശ്രമമാണ്.പന്ത് കൊണ്ട് ഈ മിടുക്കൻ ചെയ്യുന്നത് പ്രഫഷനൽ ഫുട്ബാൾ താരങ്ങൾക്ക് പോലും ചെയ്യാൻ കഴിയാത്ത അഭ്യാസപ്രകടനങ്ങളാണ് . ഫുട്ബാൾ കൈകൊണ്ട് മാത്രമല്ല മൊബൈൽ ഫോൺ ഒറ്റക്കൈയിൽ വെച്ചുകൊണ്ട് കറക്കും. മാങ്കടവ് സ്വദേശി അബ്ദുൽ മജീദ്- മൈമൂന ദമ്പതികളുടെ മകനാണ്. സഹോദരങ്ങൾ: മുഹ്സിൻ, റിഫാൻ, ഇർഫാന തസ്നി.