2023-ൽ യുകെ കുടിയേറ്റ ജനസംഖ്യയിൽ ഇന്ത്യ മുന്നിൽ. കഴിഞ്ഞ വർഷം 2,50,000 ഇന്ത്യക്കാർക്ക് യുകെയിലേക്ക് വിസ ലഭിച്ചു. ഇവരിൽ ഭൂരിഭാഗവും ജോലിക്കും പഠിക്കാനും വരുന്നവരാണ്. 2022 നെ അപേക്ഷിച്ച് 2023 ൽ യുകെയിലേക്കുള്ള നെറ്റ് ഇമിഗ്രേഷൻ 10% കുറഞ്ഞു.
കഴിഞ്ഞ വർഷം യുകെയിലേക്ക് കുടിയേറിയ 250,000 ഇന്ത്യക്കാരിൽ 127,000 പേർ ജോലിക്കും 115,000 പേർ പഠനത്തിനും 9,000 പേർ മറ്റ് ആവശ്യങ്ങൾക്കും വന്നവരാണ്. ഓഫീസ് ഫോർ നാഷണൽ സ്റ്റാറ്റിസ്റ്റിക്സിൻ്റെ (ONS) കണക്കനുസരിച്ച് 141,000 കുടിയേറ്റക്കാരുമായി നൈജീരിയക്കാരാണ് ഇന്ത്യയ്ക്ക് പിന്നിൽ. യുകെയിലേക്ക് കുടിയേറ്റക്കാരെ അയക്കുന്നതിൽ ചൈനക്കാർ മൂന്നാമതും പാക്കിസ്ഥാനികൾ നാലാമതുമാണ്.
തൊഴിൽ വിസയുടെ കാര്യത്തിൽ, 2023-ൽ 337,240 തൊഴിൽ വിസകളും 146,477 ആരോഗ്യ, പരിചരണ വിസകളും അനുവദിച്ചു. ബിരുദാനന്തരം ജോലി ചെയ്യാൻ വിദ്യാർത്ഥികളെ അനുവദിച്ചുകൊണ്ട് 114,409 ഗ്രാജ്വേറ്റ് വിസകൾ അവിടെ അനുവദിച്ചിട്ടുണ്ട്. ഹോം ഓഫീസ് ഇമിഗ്രേഷൻ സ്ഥിതിവിവരക്കണക്കുകൾ പ്രകാരം ഇവരിൽ 50,503 പേർ ഇന്ത്യക്കാരാണ്.