മലപ്പുറം: വൈറൽ ഹെപ്പറ്റൈറ്റിസ് ബാധിച്ച് മലപ്പുറത്ത് ഒരാൾ കൂടി മരിച്ചു. പോത്തുകൽ കോടാലിപൊയിൽ ഇത്തിക്കൽ സക്കീർ അന്തരിച്ചു. കരളിനെ ബാധിക്കുന്ന മഞ്ഞപ്പിത്തം ബാധിച്ച് കോഴിക്കോട് സ്വകാര്യ ആശുപത്രിയിൽ ചികിത്സയിലിരിക്കെയാണ് മരിച്ചത്.
വൈറൽ ഹെപ്പറ്റൈറ്റിസ് മലപ്പുറം ജില്ലയിൽ വലിയ തോതിൽ പകരുകയാണ്. കഴിഞ്ഞ അഞ്ച് മാസത്തിനിടെ ഏഴ് മരണങ്ങളാണ് റിപ്പോർട്ട് ചെയ്തത്. മൂവായിരത്തിലധികം കേസുകൾ റിപ്പോർട്ട് ചെയ്തിട്ടുണ്ട്. നിലമ്പൂർ മേഖലയിൽ രോഗം മൂർച്ഛിച്ചതോടെ ജനങ്ങൾ ആശങ്കയിലാണ്.
ഹെപ്പറ്റൈറ്റിസ് ബാധിച്ച് ഇന്നലെയാണ് ചാലിയാർ സ്വദേശി റെനീഷ് മരിച്ചത്. റെയ്നിഷ് ഉൾപ്പെടെ ആറ് പേർ ഈ പ്രദേശത്ത് മാത്രം ഇതിനോടകം മരിച്ചു. ജനുവരി മുതൽ ഇതുവരെ 3,184 പേർക്ക് രോഗലക്ഷണങ്ങളും 1,032 പേർക്ക് രോഗം പിടിപെട്ടു.
മഴ പെയ്യുന്നതോടെ രോഗവ്യാപനം വേഗത്തിലാക്കാൻ സാധ്യതയുണ്ടെന്ന് ആരോഗ്യമന്ത്രാലയം മുന്നറിയിപ്പ് നൽകി