ലണ്ടൻ: ഊർജ വില പരിധി വീണ്ടും കുറച്ചുകൊണ്ട് വൈദ്യുതി, ഗ്യാസ് ബില്ലുകൾക്ക് താൽക്കാലിക ഇളവ്. ഈ വേനൽക്കാലത്ത് ദശലക്ഷക്കണക്കിന് കുടുംബങ്ങൾക്ക് അവരുടെ ബില്ലുകൾ കുറയ്ക്കാനുള്ള അവസരം ലഭിക്കുക. വില പരിധി £1,568 ആണ്, അതായത് വാർഷിക നിരക്കുകളിൽ £122 കുറവ്. അതേസമയം, ജൂലൈ മുതൽ സെപ്റ്റംബർ വരെയാണ് പുതിയ നിയന്ത്രണം. അതിനാൽ, ശൈത്യകാലത്ത് ബില്ലുകൾ വീണ്ടും ഉയരുമെന്ന് പ്രതീക്ഷിക്കുന്നു. ഈ തിരിച്ചടി തണുപ്പുള്ള മാസങ്ങളിൽ ലക്ഷക്കണക്കിന് ആളുകൾക്ക് അവരുടെ വീടുകൾ ചൂടാക്കുന്നത് ബുദ്ധിമുട്ടാക്കും.
ഹോൾസെയിൽ ഗ്യാസ്, വൈദ്യുതി വിപണികളിലെ വില കുറഞ്ഞതും നാമമാത്ര വില കുറയാൻ വഴിയൊരുക്കിയത്. റഷ്യ യുക്രെയ്‌നിൽ യുദ്ധം ആരംഭിക്കുന്നതിന് മുമ്പുള്ളതിനേക്കാൾ ബില്ലുകൾ ഇപ്പോഴും 500 പൗണ്ടിൽ കൂടുതലാണ്. നാഷണൽ എനർജി ആക്ഷൻ കണക്കാക്കുന്നത്, വേനൽക്കാലത്ത് ബില്ലുകൾ കുറഞ്ഞാലും യുകെയിലെ ഏകദേശം 5.6 ദശലക്ഷം കുടുംബങ്ങൾ ഇന്ധന ദാരിദ്ര്യത്തിലാണ്. അതേസമയം, ഒക്ടോബറിൽ വൈദ്യുതി വില പരിധി 10% ഉയർന്ന് 1,723 പൗണ്ടായി ഉയരുമെന്ന് ഊർജ്ജ കൺസൾട്ടൻസി കോൺവാൾ ഇന്‍സൈറ്റിന്റെ പ്രവചനം. 2025-ൻ്റെ ആദ്യ ഏതാനും മാസങ്ങളിൽ ബില്ലുകൾ ഉയർന്ന നിലയിൽ തുടരും.
