ലണ്ടന്‍ : ഇന്ത്യന് വംശജയായ സ്‌കൂള്‍ വിദ്യാര്‍ഥിനി നൂറിയ സജ്ജാദിൻ്റെ മരണത്തിനിടയാക്കിയ കാർ ഓടിച്ച യുവതിക്കെതിരെ കുറ്റം ചുമത്തേണ്ടതില്ലെന്ന് ബ്രിട്ടീഷ് ക്രൗണ്‍ പ്രോസിക്യൂഷന്‍ സര്‍വീസ്. 2023 ജൂലൈ 6 ന്, 40 കാരിയായ ക്ലെയർ ഫ്രീമാൻ്റിൽ ഓടിച്ച ലാന്‍ഡ് റോവര്‍ വിംബിള്‍ഡനിലെ സ്‌കൂളിലേക്ക് ഇടിച്ചുകയറിയിരുന്നു. അപകടത്തിൽ നൂറിയ സജ്ജാദ്, സെലീന എന്നീ എട്ട് വയസുള്ള രണ്ട് വിദ്യാർത്ഥിനികൾ മരിച്ചു. ക്ലെയറിൻ്റെ പെട്ടെന്നുള്ള അപസ്മാരം പിടിപെട്ടതാണ് അപകട കാരണം.
രോഗനിർണയത്തിന് ശേഷം ക്ലെയർ തൻ്റെ ഡ്രൈവിംഗ് ലൈസൻസ് സ്വമേധയാ ഉപേക്ഷിച്ചു. പെട്ടെന്നുള്ള അപസ്മാരം കാറിൻ്റെ നിയന്ത്രണം നഷ്‌ടപ്പെടുന്നതിന് കാരണമായി, കൂടാതെ ഡ്രൈവർക്ക് മുമ്പ് സമാനമായ പിടുത്തം ഉണ്ടായതിന് തെളിവില്ല. ഇത്തരം സാഹചര്യത്തിൽ ക്രിമിനൽ അന്വേഷണം ആരംഭിക്കുന്നത് പൊതുതാൽപ്പര്യത്തിന് വിരുദ്ധമാണെന്ന് സീനിയർ ക്രൗണ്‍ പ്രോസിക്യൂട്ടർ പറഞ്ഞു.
