ഐ എസ് എൽ സെമിയിൽ എഫ്സി ഗോവ; മുംബൈ സിറ്റിനെ നേരിടും

ഐഎസ്എൽ ഫുട്ബോൾ സെമിയിൽ എഫ്സി ഗോവ. പ്ലേഓഫിലെ രണ്ടാം നോക്കൗട്ട് മത്സരത്തിൽ ഗോവ 2-1ന് ചെന്നൈയിൻ എഫ്‌സിയെ പരാജയപ്പെടുത്തി.നോഹ് സഡൗയി(36-ാം മിനിറ്റ്),ബ്രെണ്ടൻ ഫെർണാണ്ടസ് (45-ാം മിനിറ്റ്) എന്നിവരാണ് ഗോവയുടെ ഗോളുകൾ നേടിയത്. ലാസർ സിർകോവിച്ചാണ് (45+4 മിനിറ്റ്) ചെന്നൈയുടെ ഗോൾ നേടിയത്.മുംബൈ സിറ്റിയാണ് ഗോവയുടെ സെമിയിലെ എതിരാളി. ആദ്യ സെമി 24ന് നടക്കും. 23 ന് നടക്കുന്ന ആദ്യ സെമിയിൽ ഒഡീഷ മോഹൻ ബഗാൻ സൂപ്പർ ജയൻ്റ്‌സിനെ നേരിടും.മടക്ക സെമി ഫൈനൽ മത്സരങ്ങൾ 28, 29 തീയതികളിൽ നടക്കും.