പത്തനംതിട്ട : പത്തനംതിട്ട ജില്ലാ പൊലീസ് മേധാവി ആയിരുന്ന സുജിത് ദാസിനെ സർവിസിൽ നിന്ന് സസ്പെൻഡ് ചെയ്തു.
മുഖ്യമന്ത്രി പിണറായി വിജയൻ ആണ് സസ്പെൻഷന് ഉത്തരവിട്ടത്. പി.വി.അൻവർ എംഎൽഎയുമായുള്ള വിവാദ ഫോൺകോളിനും സ്വർണക്കടത്തുമായി ബന്ധപ്പെട്ട് എംഎൽഎ ഉന്നയിച്ച ഗുരുതര ആരോപണങ്ങൾക്ക് പിന്നാലെയാണ് നടപടി. സുജിത്ത ദാസ് ഗുരുതര ചട്ടലംഘനം നടത്തിയിരുന്നുവെന്ന് ഡിജിപി റിപ്പോർട്ട് നൽകിയിരുന്നു.
അതേസമയം സുജിത് ദാസിന്റെ സസ്പെന്ഷനില് പ്രതികരിച്ച് പി.വി. അന്വര് രംഗത്തെത്തി. വിക്കറ്റ് നമ്പര് 1..ഒരു പുഴുക്കുത്ത് പുറത്തേക്ക് എന്നായിരുന്നു ഫെയ്സ്ബുക്കിൽ കുറിച്ചത്
