തിരുവനന്തപുരം: നടൻ നിവിൻ പോളിക്കെതിരെ യുവതിയുടെ പരാതിയില് കേസെടുത്ത് പൊലീസ്. വിദേശത്ത് വെച്ച് പീഡിപ്പിച്ചെന്ന യുവതിയുടെ പരാതിയിലാണ് കേസ് എടുത്തിരിക്കുന്നത്.sexual abuse case against nivin pauly
എറണാകുളം ഊന്നുകൽ പൊലീസാണ് നിവിനെതിരെ കേസെടുത്തത്. സിനിമയിൽ അവസരം വാഗ്ദാനം ചെയ്ത് ദുബായിൽ വച്ച് നിവിൻ പോളി പീഡിപ്പിച്ചെന്നാണു യുവതിയുടെ പരാതി.
സംഭവം വിദേശത്ത് വെച്ചാണ് നടന്നതെന്നും യുവതി പരാതിയില് പറയുന്നുണ്ട്. നിവിന് പോളിക്കൊപ്പം മറ്റ് ചിലര് കൂടി തന്നെ പീഡിപ്പിച്ചെന്നും സംഘമായി ചേര്ന്നാണ് പീഡനമെന്നും യുവതിയുടെ പരാതിയില് പറയുന്നു. നേര്യമംഗലം ഊന്നുകല് പൊലീസ് രജിസ്റ്റര് ചെയ്ത കേസ് പ്രത്യേക അന്വേഷണ സംഘത്തിന് കൈമാറും.
കേസിൽ ആറു പ്രതികളാണുള്ളത്. നിവിന് പോളി ആറാം പ്രതിയാണ്. പരാതി ആദ്യം എത്തിയത് എറണാകുളം റൂറൽ എസ് പിക്കാണ്. പിന്നീട് ഊന്നുകൽ പൊലീസ് സ്റ്റേഷനിലേക്ക് കൈമാറുകയായിരുന്നു
