ഇടുക്കി: യുവനടന് നിവിന് പോളിക്കെതിരായ പീഡന പരാതിയില് താൻ ഉറച്ചുനില്ക്കുന്നുവെന്ന് പരാതിക്കാരിയായ യുവതി. നിർമാതാവ് തൃശൂർ സ്വദേശി എ.കെ.സുനിലും നടൻ നിവിൻ പോളിയും ഉൾപ്പെടുന്ന സംഘം തന്നെ മൂന്ന് ദിവസം ദുബായില് മുറിക്കുള്ളില് പൂട്ടിയിട്ട് ശാരീരികമായും മാനസികമായും ക്രൂരമായി പീഡിപ്പിച്ചെന്നാണ് യുവതിയുടെ ആരോപണം.sexual abuse case against nivin pauly
തനിക്ക് ഭക്ഷണവും വെള്ളവും തന്നില്ല. ലഹരി മരുന്ന് കലക്കിയ വെള്ളം ആണ് തന്നത്. ഭർത്താവിനെയും മകനെയും കൊല്ലുമെന്നും അവർ ഭീഷണിപ്പെടുത്തി. തന്റെ ഫോൺ നിവിൻ പോളിയും സംഘവും ബലംപ്രയോഗിച്ച് പിടിച്ചെടുത്തു. അതിനാലാണ് പീഡനത്തിനു തെളിവില്ല എന്ന് നിവിൻ പോളി പറയുന്നത്. പീഡിപ്പിച്ചതായി പരാതി നൽകിയെങ്കിലും തെളിവില്ലെന്നു പറഞ്ഞ് പൊലീസ് കേസ് അവസാനിപ്പിച്ചെന്നും യുവതി മാധ്യമങ്ങളോട് പറഞ്ഞു.
2023 നവംബര്-ഡിസംബര് മാസത്തില് ദുബായില്വെച്ചാണ് സംഭവം നടന്നത്. അവിടെവെച്ച് പരിചയക്കാരിയായ സ്ത്രീ എ.കെ. സുനില് എന്ന നിര്മാതാവിനെ പരിചയപ്പെടുത്തി തന്നത്.
വിഷയത്തില് ജൂണില് പരാതി നല്കിയിരുന്നു. ലോക്കല് പോലീസ് സ്റ്റേഷനില്നിന്ന് നല്ലതായ സമീപനം ഉണ്ടായിരുന്നില്ല . ഹേമ കമ്മിറ്റി റിപ്പോര്ട്ട് പുറത്തുവന്നതിനു പിന്നാലെയാണ് താൻ വീണ്ടും പരാതി നല്കിയത്. കുറ്റം തെളിയിക്കാന് പോലീസ് നടത്തുന്ന എന്ത് തെളിവെടുപ്പിനും തയ്യാറാണ്. നീതി കിട്ടണം. തന്റെയും ഭര്ത്താവിന്റെയും ചിത്രം ചേര്ത്ത് ഹണി ട്രാപ്പ് ദമ്പതികള് എന്ന തരത്തില് വാര്ത്ത പ്രചരിപ്പിച്ചു. തങ്ങള് അങ്ങനെയുള്ളവരല്ലെന്നും യുവതി വ്യക്തമാക്കി.
