ന്യൂഡല്ഹി: ലെെംഗികാതിക്രമ കേസില് ആരോപണവിധേയനായ മുകേഷ് എംഎല്എ തല്ക്കാലം രാജിവെക്കേണ്ടതില്ലെന്ന സിപിഎം സംസ്ഥാന നേതൃത്വത്തിന്റെ നിലപാട് തള്ളി പിബി അംഗം ബൃന്ദ കാരാട്ട്.cpm polit bureau member brinda karat on hema commitee report and m mukesh resignation demand
യുഡിഎഫ് അതു ചെയ്യാത്തതുകൊണ്ട് ഞങ്ങളും അതു ചെയ്യില്ല എന്ന വാദം ശരിയല്ല എന്ന് ബൃന്ദ പറഞ്ഞു. സിപിഎം ഔദ്യോഗിക വെബ്സൈറ്റിലെ ലേഖനത്തിലൂടെ ആണ് ബൃന്ദയുടെ പരാമര്ശം.
ഹേമ കമ്മിറ്റി റിപ്പോര്ട്ടിനെപ്പറ്റി തന്റെ അഭിപ്രായങ്ങളും കാഴ്ചപ്പാടുകളും എന്ന ലേഖനത്തിലാണ് ബൃന്ദയുടെ വിമര്ശനം ഉന്നയിച്ചത്. ലേഖനത്തിന്റെ ആദ്യഭാഗങ്ങളില് സംസ്ഥാന സര്ക്കാര് എടുത്ത നടപടികളെ അഭിനന്ദിക്കുന്നു.
സിനിമാ മേഖലയെ ചൂഷണങ്ങള് പഠിക്കാന് ഹേമ കമ്മിറ്റിയെ നിയോഗിച്ചതും, അതുമായി ബന്ധപ്പെട്ട പരാതികള് അന്വേഷിക്കാന് മുതിര്ന്ന ഐപിഎസ് ഉദ്യോഗസ്ഥരുടെ സംഘം രൂപീകരിച്ചതും രാജ്യത്തെ മറ്റു സംസ്ഥാനങ്ങള്ക്ക് മാതൃകയായ നടപടിയാണെന്ന് ബൃന്ദ സൂചിപ്പിക്കുന്നു.
അതേസമയം ഹേമ കമ്മിറ്റി റിപ്പോര്ട്ടിനെത്തുടര്ന്ന് ലഭിച്ച പരാതിയില് സിപിഎം എംഎല്എയായ മുകേഷിനെതിരെ പൊലീസ് കേസെടുത്ത കാര്യം ലേഖനത്തില് ചൂണ്ടിക്കാട്ടുന്നു.
എന്നാല് കേരളത്തില് ഇടതു സര്ക്കാരെടുത്തിരിക്കുന്ന നടപടികളെ മോശപ്പെടുത്തുന്നതിനാണ് പ്രതിപക്ഷം ആരോപണം അഴിച്ചു വിടുന്നത്. കോണ്ഗ്രസിലെ രണ്ട് എംഎല്എമാര്ക്കെതിരെ ബലാത്സംഗ കേസില് കുറ്റപത്രം സമര്പ്പിച്ചിട്ടുണ്ട്. അങ്ങനെയുള്ള കോണ്ഗ്രസാണ് മുകേഷിന്റെ വിഷയം ഉന്നയിച്ച് പ്രതികരണം നടത്തുന്നതെന്ന് ബൃന്ദ ആരോപിച്ചു.
