തിരുവനന്തപുരം: ഇ.പി. ജയരാജനെ എല്.ഡി.എഫ്. കണ്വീനര് സ്ഥാനത്തുനിന്ന് നീക്കി. ബിജെപി ബാന്ധവ വിവാദത്തിലാണ് പാര്ട്ടിയുടെ അച്ചടക്ക നടപടി. ടി പി രാമകൃഷ്ണനാണ് പകരം ചുമതല നല്കിയിരിക്കുന്നത്. നടപടിയില് പ്രതിഷേധിച്ച് സംസ്ഥാന സമിതിയില് പങ്കെടുക്കാതെ ഇപി കണ്ണൂരിലേക്ക് പോയി.COM state committee decided to remove EP Jayarajan as LDF convener
വെള്ളിയാഴ്ച ചേര്ന്ന സിപിഎം സംസ്ഥാന സെക്രട്ടേറിയറ്റ് യോഗത്തിലാണ് ഇത് സംബന്ധിച്ച് ധാരണയുണ്ടായത്. ശനിയാഴ്ച ചേര്ന്ന സി.പി.എം. സംസ്ഥാന സമിതി യോഗത്തില് ഇക്കാര്യം റിപ്പോര്ട്ട് ചെയ്തു. കേന്ദ്രകമ്മിറ്റി അംഗമായതിനാല് ഇ.പിക്കെതിരായ നടപടി പ്രഖ്യാപിക്കുക കേന്ദ്രനേതൃത്വമാകും.
ബിജെപി നേതാവ് പ്രകാശ് ജാവദേക്കറുമായി ഇ പി ജയരാജന് നടത്തിയ കൂടിക്കാഴ്ച വന് വിവാദത്തിന് ഇടയാക്കിയിരുന്നു. ബിജെപി പ്രവേശനത്തിൽ ഇപിയുമായി 3 വട്ടം ചർച്ച നടത്തിയെന്ന് ശോഭ സുരേന്ദ്രൻ്റെ വെളിപ്പെടുത്തലിന് പിന്നാലെയാണ് ജാവദേക്കറുമായുള്ള കൂടിക്കാഴ്ച പുറത്തറിഞ്ഞത്. പ്രകാശ് ജാവദേക്കറുമായി നടന്നത് രാഷ്ട്രീയ കൂടിക്കാഴ്ച ആയിരുന്നില്ലെന്നും അതിനാലാണ് പാര്ട്ടിയെ അറിയിക്കാത്തിരുന്നത് എന്നുമായിരുന്നു വിഷയത്തില് ഇ പിയുടെ വിശദീകരണം.
