തൃശ്ശൂർ : 9 മാസം പ്രായമുള്ള കുഞ്ഞിന് ബക്കറ്റിലെ വെള്ളത്തില് വീണ് ദാരുണാന്ത്യം. തലവണിക്കര കൊളോട്ടില് രാജേഷിന്റെയും അമൃതയുടെയും മകള് നീലാദ്രിനാഥാണ് മരിച്ചത്. 10 ദിവസം മുന്പാണ് അപകടമുണ്ടായത്.
ഉറങ്ങിക്കിടക്കുകയായിരുന്ന കുഞ്ഞിനെ കാണാതായപ്പോള് നടത്തിയ അന്വേഷണത്തില് വീട്ടിലെ ബക്കറ്റില് വീണു കിടക്കുന്ന രീതിയില് കണ്ടെത്തുകയായിരുന്നു. ഉടന് തൃശൂരിലെ സ്വകാര്യ ആശുപത്രിയില് പ്രവേശിപ്പിച്ചു. വിദഗ്ധ ചികില്സക്കായി പിന്നീട് കൊച്ചിയിലെ സ്വകാര്യ ആശുപത്രിയിലും പ്രവേശിപ്പിച്ചു. ചികില്സക്കിടെ ഞായറാഴ്ച രാവിലെയായിരുന്നു മരണം.
