Thursday, April 25, 2024
spot_imgspot_img
HomeCrime Newsകാഞ്ഞിരപ്പള്ളിയിൽ പൂരിയുണ്ടാക്കാൻ വേണ്ടി തിളപ്പിച്ച എണ്ണ യുവാവിന്റെ മുഖത്ത് ഒഴിച്ചു : സഹപ്രവർത്തകൻ അറസ്റ്റിൽ.

കാഞ്ഞിരപ്പള്ളിയിൽ പൂരിയുണ്ടാക്കാൻ വേണ്ടി തിളപ്പിച്ച എണ്ണ യുവാവിന്റെ മുഖത്ത് ഒഴിച്ചു : സഹപ്രവർത്തകൻ അറസ്റ്റിൽ.

കാഞ്ഞിരപ്പള്ളി: ആശുപത്രിയിലെ കാന്റീൻ ജീവനക്കാരനായ യുവാവിന്റെ മുഖത്ത് തിളപ്പിച്ചു വച്ചിരുന്ന എണ്ണ ഒഴിച്ച കേസിൽ സഹപ്രവര്‍ത്തകനായ യുവാവിനെ പോലീസ് അറസ്റ്റ് ചെയ്തു. Boiled oil for making puri was poured on the face of a young man in Kanjirapalli: Colleague arrested.

കിടങ്ങൂര്‍ കടപ്ലാമറ്റം പെരുമ്പള്ളി മുകളേൽ വീട്ടിൽ ജോബിൻ ജോസഫ് (30) എന്നയാളെയാണ് കാഞ്ഞിരപ്പള്ളി പോലീസ് അറസ്റ്റ് ചെയ്തത്. ഇയാൾ ഇന്ന് രാവിലെ 9.00 മണിയോടുകൂടി കാഞ്ഞിരപ്പള്ളി ഇരുപത്തിയാറിന് സമീപമുള്ള സ്വകാര്യ ആശുപത്രിയിലെ കാന്റീൻ ജീവനക്കാരനായ തണ്ണീര്‍മുക്കം സ്വദേശിയായ യുവാവിന്റെ മുഖത്ത് തിളച്ച എണ്ണ ഒഴിക്കുകയായിരുന്നു.

ഇയാള്‍ക്ക് യുവാവിനോട് മുന്‍വൈരാഗ്യം നിലനിന്നിരുന്നു ഇതിന്റെ തുടര്‍ച്ചയെന്നോണമാണ് പൂരി ഉണ്ടാക്കുന്നതിനായി തിളപ്പിച്ച് വച്ചിരുന്ന എണ്ണ ഒരു പാത്രത്തിലെടുത്ത് ഇയാൾ യുവാവിന്റെ മുഖത്തേക്ക് ഒഴിച്ചത്. ആക്രമത്തിൽ യുവാവിന്റെ കണ്ണിന് ഗുരുതരമായി പരിക്കേൽക്കുകയും ചെയ്തു.

പരാതിയെ തുടർന്ന് കാഞ്ഞിരപ്പള്ളി പോലീസ് കേസ് ചെയ്യുകയും ഇയാളെ അറസ്റ്റ് ചെയ്യുകയുമായിരുന്നു. കാഞ്ഞിരപ്പള്ളി സ്റ്റേഷൻ എസ്.എച്ച്.ഓ ഫൈസൽ, എസ്.ഐ മാരായ സക്കീർ ഹുസൈൻ, രഘുകുമാർ, സി.പി.ഓ മാരായ ബിനോ, അരുൺ, ബിനോ കെ രമേശ് എന്നിവർ ചേർന്നാണ് ഇയാളെ അറസ്റ്റ് ചെയ്തത്. ഇയാളെ കോടതിയിൽ ഹാജരാക്കി.

RELATED ARTICLES
- Advertisment -spot_img

Most Popular

Recent Comments