കൊച്ചി: സ്ത്രീകള് സിനിമാ മേഖലയില് നേരിടുന്ന പ്രശ്നങ്ങളെ കുറിച്ച് പഠിക്കുന്നതിനായി നിയോഗിച്ച ഹേമ കമ്മിറ്റി പുറത്തുവിട്ട റിപ്പോർട്ടിന് പിന്നാലെ കേരളത്തില് ഉയരുന്നത് വൻ വിവാദങ്ങളാണ്.AMMA Resignation: Sarayu and Ananya Deny Quitting Executive Committee
റിപ്പോർട്ട് പുറത്തുവന്നതിന് പിന്നാലെ നിരവധി താരങ്ങള് തങ്ങള്ക്കുണ്ടായ ദുരനുഭവങ്ങള് തുറന്നുപറഞ്ഞ് രംഗത്തെത്തിയിട്ടുണ്ട്.
താരസംഘടന ആയ അമ്മയുടെ തലപ്പത്ത് ഇരിക്കുന്നവരുള്പ്പെടെ ആരോപണ വിധേയരായതോടെ ഇന്നലെ ഭരണസമിതി പിരിച്ചു വിടുകയും ചെയ്തു. എന്നാല് ഇപ്പോഴിതാ എക്സിക്യൂട്ടീവ് കമ്മിറ്റി അംഗങ്ങള് കൂട്ടമായി രാജിവച്ചതില് ഭിന്നത എന്ന വാർത്തയാണ് പുറത്തുവരുന്നത്.
സംഘടനയുടെ എക്സിക്യൂട്ടീവിൽനിന്ന് തങ്ങൾ രാജിവച്ചിട്ടില്ലെന്ന് വ്യക്തമാക്കി നടിമാരായ സരയുവും അനന്യയും രംഗത്തെത്തി.
അതേസമയം ഭരണസമിതി പിരിച്ചുവിട്ട സാഹചര്യത്തിൽ എങ്ങനെ സ്ഥാനത്തു തുടരാനാകുമെന്നാണ് മുൻ നേതൃത്വത്തിന്റെ പ്രതികരണം. നിയമോപദേശം ലഭിച്ചതിനുശേഷമാണ് ഭരണസമിതി പിരിച്ചുവിട്ടതെന്നും മുൻ നേതൃത്വം പറഞ്ഞു. നടിമാരുടേത് അവരുടെ അഭിപ്രായം മാത്രമാണ്. നടിമാർ വിയോജിപ്പ് രേഖപ്പെടുത്തിയിരുന്നെങ്കിലും ഭൂരിപക്ഷത്തിന്റെ അഭിപ്രായം കണക്കിലെടുത്താണ് അമ്മ ഭരണസമിതി പിരിച്ചുവിടാൻ പ്രസിഡന്റ് മോഹൻലാൽ തീരുമാനിച്ചത്.
കൂട്ടരാജിയെന്ന തീരുമാനം ഏകകണ്ഠമായിട്ടല്ല എടുത്തതെന്ന് നടി സരയു പ്രതികരിച്ചു.
‘ഐകകണ്ഠേനയാണ് രാജിയെന്ന് പറയാന് കഴിയില്ല. ഞാന് ഇതുവരെ രാജിസമര്പ്പിച്ചിട്ടില്ല. രാജി സമര്പ്പിക്കാന് കഴിയില്ലെന്നാണ് യോഗത്തില് നിലപാട് വ്യക്തമാക്കിയത്. ഭൂരിപക്ഷ തീരുമാനത്തിലാണ് കൂട്ടരാജി. ഭിന്നാഭിപ്രായങ്ങള് ഉണ്ടായിരുന്നു. പ്രസിഡന്റ് അടക്കമുള്ളവരുടെ തീരുമാനത്തില് വിയോജിപ്പ് ഉണ്ട്’, എന്നാണ് സരയു പ്രതികരിച്ചത്. താന് ഇപ്പോഴും എക്സിക്യൂട്ടീവ് കമ്മിറ്റി അംഗമാണ്. കമ്മിറ്റി തിരക്കുപിടിച്ച് പിരിച്ചുവിടേണ്ടിയിരുന്നില്ലെന്നും സരയു പറഞ്ഞു.
ആരോപണ വിധേയര് വ്യക്തിപരമായി രാജിവെച്ച് ഒഴിയുകയെന്നതാണ് ശരിയെന്നും ധാര്മിതക മുന്നിര്ത്തിയാണ് രാജിവെച്ചതെന്നും നടി അനന്യയും പ്രതികരിച്ചു. വ്യക്തിപരമായി രാജിയോട് താല്പര്യം ഉണ്ടായിരുന്നില്ലെന്നും അനന്യ വ്യക്തമാക്കി.
‘സിനിമയുടെ ഉള്ളില് ഇത്തരം പ്രവണതകള് ഉണ്ട് എന്ന് കേട്ടിട്ടുണ്ട്. അനുഭവിച്ചിട്ടുണ്ടോയെന്ന് ചോദിച്ചാല്, ഹേമാ കമ്മിറ്റി റിപ്പോര്ട്ടില് പറയുന്നത് പോലെ രൂക്ഷമായി അനുഭവിച്ചിട്ടില്ല. എന്നാല് സിനിമകളുടെ കാര്യത്തില് അടക്കം വേര്തിരിവ് അനുഭവപ്പെട്ടിട്ടുണ്ട്. 2007 മുതലാണ് നായികയായി എത്തുന്നത്. വളരെയധികം സങ്കടമുണ്ട് റിപ്പോര്ട്ട് വായിച്ചപ്പോള്.
തങ്ങള് അനുഭവിച്ചതിനേക്കാള് കൂടുതല് തീവ്രതയില് ചിലര് നടന്നുപോയെന്ന് ഹേമ കമ്മിറ്റി റിപ്പോര്ട്ട് വായിച്ചപ്പോള് മനസ്സിലായി. അസോസിയേഷന്റെ ഭാരവാഹിയായിരിക്കുമ്ബോള് വ്യക്തിപരമായി സംസാരിക്കുന്നതില് പരിമിധിയുണ്ട്. എഎംഎംഎ നിലനില്പ്പിന് വേണ്ടി പ്രവര്ത്തിക്കും’, എന്നാണ് അനന്യ പ്രതികരിച്ചത്.
